नुकत्याच झालेल्या वसंतोत्सवात या वर्षी प्रथमच मला काम करायची संधी मिळाली आणि दिलेल्या कामा बरोबरच अनेक कलाकार आणि त्यांचे कार्यक्रमही पाहता आले. सगळेच कार्यक्रम चांगले झाले पण त्यात विशेष उल्लेख करायचा झाला तर एकाचा करता येईल तो म्हणजे शेखर सेन यांनी सदर केलेला "कबीर" हा एकपात्री कार्यक्रम.
अगदी खरं सांगायचं तर मी या पूर्वी "शेखर सेन"हे नाव कधीही ऐकले नव्हते. वसंतोत्सवाच्या कार्यक्रमाचे नियोजन करताना राहुल देशपांडे ने शेखर सेन यांचा कार्यक्रम ठेऊया असा आग्रह चालवला होता. सुरुवातीला आम्ही देखील थोडे चक्राऊन गेलो होतो पण राहुल ला मनात कुठेतरी प्रचंड विश्वास होता आणि म्हणूनच त्याने हा कार्यक्रम वसंतोत्सवात आयोजायचे ठरवले. मी स्वतः इंटरनेट वरून शेखर सेन यांची थोडीफार माहिती काढायचा प्रयत्न केला.
कार्यक्रमच्या आधी साधारण अर्धा तास या महाशयांनी स्टेजचा ताबा घेतला. त्याच्या सहकाऱ्यांनी स्टेजची व्यवस्था आणि लाईट ची सर्व व्यवस्था पार पडली आणि ठरल्याप्रमाणे कार्यक्रमाला सुरुवात झाली. शेखर सेन यांनी कबीर यांच्या वरती २ तासांचा एकपात्री कार्यक्रम करणे का अजबच प्रकार होता.
कबीर स्वतः या भूमीवर येऊन आपले आत्म चरित्र सदर करतात अशी याची थीम आहे. या संपूर्ण एकपात्री कार्यक्रमात शेखर सेन जवळ पास ४० “कबीराचे दोहे” गातात आणि त्यांचे चरित्र पुढे नेतात. "कबीरा, जब हम पैदा हुवे.... जग हसे हम रोये" येथपासून त्यांनी कबीराचे दोहे ज्या ताकदाने गाईले त्याला तोड नाही..... सर्व दुह्यांचे संगीत track वर रेकॉर्ड करून त्यावर शेखर सेन यांनी ही गीते सदर केली आहेत. कबीराच्या जन्मापासून ते त्यांचे पूर्ण चरित्र ओघवत्या वाणीत आणि कबीराच्या दोह्यांची त्याला जोड देत त्यांनी चांगला रंगवला आहे. एकपात्री कार्यक्रम करण्यासाठी आवश्यक असलेली बंदिस्त आणि ताकदवान संहिता, त्याला जोडीला तेवढाच ताकदीचा अभिनय आणि त्यांनी सदर केलेले दोहे ह्या सगळ्याचा जो काही मिलाफ तयार झाले आहे तो काही औरच.....
स्टेजवरती अगदी कमीत कमी नेपथ्य पण त्याचाही मोठ्या चतुराईने वापर केला आहे. वेगवेगळ्या कोनातले lights आणि त्याचा केलेला प्रभावी वापर यामुळे हा कार्यक्रम एका वेगळ्याच उंचीवरजातो. कबीराचे संपूर्ण आयुष्य एका एका प्रसंगातून उलगडताना track वर दोहे न चुकता आणि न मागे पुढे होता सदर करणे हि नक्कीच सोपी गोष्ट नव्हे. जुनी कथा आणि त्याला आधुनिक तंत्रज्ञानाची दिलेली जोड याचा एक सुंदर संगम म्हणजे शेखर सेन यांनी सदर केलेला "कबीर" ......
http://www.shekharsen.com
