दिवाळीचे दिवस

सर्व प्रथम, सर्वांना दिवाळीच्या हार्दिक शुभेच्छा. रोमन कॅलेंडर आणि हिंदू कॅलेंडर याचा तसा काही संबंध नसल्याने, हिंदू सण पाहण्यासाठी आपण कायम कालनिर्णय किंवा तशा स्वरूपाचे कॅलेंडर बघितले जाते, अगदीच उत्साही असल्यास दाते पंचांग पाहिले जाते. या वर्षी मात्र जरा मजेशीर प्रकार घडलेला आहे, जो आपल्या सर्वांच्या सोईसाठी ही बनला आहे. आपण सर्वांनी जर कालनिर्णय पाहिले तर या वर्षी नोव्हेंबर महिन्याच्या तारखा आणि हिंदू अश्विन आणि कार्तिक महिन्याच्या तारखा फारच जुळून आल्या आहेत. 

उदा. 

11 नोव्हेंबर - रमा एकादशी (11) 

12 नोव्हेंबर - वसू बारस (12) 

13 नोव्हेंबर - धन त्रयोदशी (13) 

14 नोव्हेंबर - नरक चतुर्दशी (14) 

15 नोव्हेंबर - अश्विन अमावस्या (15) 

16 नोव्हेंबर - बली प्रतिपदा म्हणजे आमावस्या नंतर आलेला पहिला दिवस यात एक दोन ठिकाणी थोडी गम्मत आहे, ती म्हणजे 14 लाच अमावस्या/ लक्ष्मी पूजन आले आहे. जे सर्व चंद्राच्या पोझीशन वर असते. भाऊबीज दिवसाचे ही साधारण असेच झाले आहे. 

पण बहुसंख्य दिवस हे असे दोन्ही कॅलेंडरचे आकड्यांनी जुळून आले आहेत. त्यामुळे आपल्याला दिवस लक्षात ठेवायला फार अवघड नाहीये. रविवारी भाकड दिवस आहे हे ध्यानात ठेवले म्हणजे झाले. 

आपण या वर्षी दिवाळी अधिक सोप्या आणि सरळ पध्दतीने लक्षात ठेवूया आणि साजरी करुया. 

सर्वांना पुन्हा एकदा दिवाळीच्या भरपूर शुभेच्छा. 

 - © मंदार कुलकर्णी