चि व चि सौ कां (चित्रपट)

चि व चि सौ कां...


चि व चि सौ कां हा चित्रपट झी स्टूडियो बनवणार आणि झी टीवी मिडिया पार्टनर तेव्हा या सिनेमाची जाहिरात बाजी उत्तम होणार याची खात्रीच होती. आता प्रश्न उरतो चित्रपट कसा आहे.... तर यासाठी पुढे वाचा!

हा चित्रपट चांगला आहे. मधुगंधा कुलकर्णी यांचे लिखाण उत्तम आणि परेश मोकाशी यांचे दिग्दर्शन त्याला अगदी शोभून अगदी नवरा बायको शोभून दिसावेत तसे (म्हणजे आहेतच ते नवरा बायको !) तर सिनेमा ची कथा थोडक्यात सांगतो. सत्या आणि सावित्री यांच्या पहाण्याच्या कार्यक्रमात सावित्री काह...ी महिने मुलाकडे राहून मग लग्न करायचे की नाही हे ठरवायचे असे जाहीर करते आणि दोन्ही घरचे जेष्ठ हलतात. सत्याही त्याला पाठीम्बा देतो आणि त्यातून सुरु होते धमाल. एक छान कॉमेडी. त्यात येतात अनेक अडचणी, गमती जमती.

या सिनेमाची ताकद म्हणजे मधुगंधाने लिहिलेले संवाद, त्याचे टाइमिंग आणि डिलिवरी. सिनेमाचा वेग पकडून ठेवत संवादाची पेरणी अशी काही बेमालूम केली आहे कि बस!!! मराठीतील जावेद अख्तरच....

आता काही खटकणाऱ्या गोष्टी....
सिनेमाच्या सुरुवातीला आणि शेवटी असलेले भांडणाचे सीन अंगावर येतात. खूपच जास्त आणि अतिशयोक्ति झाली आहे. इतर वेळच्या खुसखुशीत संवादात जणू मिठाचा खड़ाच. संपूर्ण सिनेमाचा विचार करता आजीचे कैरक्टर पूर्णपणे अनावश्यक. ते काढून टाकून बाकीच्यांचे संवाद वाढवले असते तर जास्त चांगले झाले असते. 70 व्या वर्षी शेजारच्या वराशी फ़िल्मी स्टाइल खिड़कीतून उड्या मारून सूत जुळवणारी आजी कुठेच पटत नाही. सत्या आणि सावित्री यांच्यातील वैचारिक संघर्ष आणि त्यातून फुलत जाणारे प्रेम हे जास्त दाखवता आले असते.

ललित आणि मृण्मयी तसेच त्यांच्या पालक आणि मित्रांचा अभिनय छान. ललित प्रभाकर चा हा पहिलाच चित्रपट पण बाजी मारून गेला आहे. भारत गणेशपुरे थोडक्यात मजा आणतात.

नरेंद्र भिड़े यांचे संगीत छान. श्रेया घोषाल आणि स्वप्नील बांदोडकर याचे गीत श्रवणीय.

लग्नापूर्वी मुलीनी मुलाबरोबर राहणे किंवा सध्याच्या लिव इन रिलेशनशिप सारख्या आणि न पचणाऱ्या विषयाकड़े हलक्या फुलक्या पद्धतीने पहायचे असेल तर हा चित्रपट नक्की पहायला हवा.

- मंदार कुलकर्णी
22 मे 2017